"Մեդիա" առաջին պանելում Uptown Yerevan, Yerevan Pike, Настя, это где?, Миша Крылов, Вова Капри և բրենդ-մենեջեր Սերգեյ Գասպարյանը խոսեցին այն մասին, թե ինչպես ռեստորանը կարող է արդյունավետ համագործակցություն հաստատել բլոգերների և լրատվամիջոցների հետ, ներկայացրեցին նման փոխգործակցության ամենատարածված սխալները, ինչպես նաև կիսվեցին խթանման ամենահաջող քեյսերով:

"Անձնակազմ" երկրորդ պանելում Novikov School Սերվիսի և HR-պրակտիկաների դպրոցի կուրատոր Տատյանա Սիմոնովան և Yeremyan Academy-ի տնօրեն Աիդա Տիգրանյանը պատմեցին, թե ինչու է կարևոր ներդրումներ կատարել անձնակազմի վերապատրաստման մեջ, ինչպես նաև ներկայացրեցին նման վերապատրաստումների առկա ձևաչափերը: Շեֆ-խոհարար Ռաֆայել Կազումյանը կիսվել է տարբեր երկրներում ռեստորանների խոհանոցի աշխատակիցներին ուսուցանելու իր յուրահատուկ մեթոդիկայի մշակումներով, իսկ Move2Armenia Career-ի կոմերցիոն տնօրեն Մաքսիմ Շվեցովը ծանուցել է թափուր աշխատատեղերի հարթակի գործարկման մասին։

"Հին նոր բիզնես" երրորդ պանելում իրենց փորձով կիսվեցին ռելոկանտները՝ հայտնի գաստրո-նախագծերի ստեղծողները. Lucky Group-ի գործադիր տնօրեն Պավել Պոլյակովը, Esthetic Joys Embassy-ի, "Дружба" և "Гадюка" բարերի համասեփականատեր Իվան Բուբնով-Պետրոսյանը, Kuwa Izakaya-ի շեֆ-խոհարար և համահիմնադիր Նիկիտա Պոդերյագինը, Odd Fashioned-ի համասեփականատեր և բարտենդեր Վյաչեսլավ Լանկինը և Իլյա Դևեջիանը 2022 միկրո-վեգան-բարից։

"Հայաստանի հաջողակ և կայացած ռեստորատորները" չորրորդ պանելում հանդիպեցին երկրի խոշորագույն ռեստորանային ցանցերի սեփականատերերն ու ստեղծողները՝ Արսեն Բակլաչյանը Baklachoff Collection-ից (Patrick' s և "Կովկասի գերուհի"), Կարեն Մարգարյանը Margaryan Business Group-ից (Louis Charden cafe-bakery և Vostan), Ստյոպա Ծառուկյանը Patriarch Group of Companies-ից (Yasaman և Ginetun) և Արտակ Հարությունյանը (Collective group: AfroLab, Minas և Gallia; Black Angus). Ռեստորատորները քննարկեցին Հայաստանում ռեստորանային բիզնես վարելու իրենց բազմամյա փորձը, այն տրանսֆորմացիաները, որոնք տեղի ունեցան ռուսների զանգվածային տեղափոխությունից հետո, ինչպես նաև բարձրաձայնեցին, որ կարևոր է ոչ միայն ռեստորանային ոլորտի ներկայացուցիչների հաղորդակցությունը, այլև թափանցիկ փոխգործակցությունը պետության հետ:

Փոխքաղաքապետ Սուրեն Գրիգորյանը պատասխանել է ռուս ռեստորատորների հարցերին, որոնց համար միշտ չէ, որ հասկանալի է Հայաստանում իշխանության հետ փոխգործակցության ալգորիթմը, մասնավորապես՝ որ ատյաններին ինչ հարցերով պետք է դիմել: Հայ ռեստորատորները հետաքրքրվում էին, թե ինչու վերանդաների համար համայնքային սեփականության վարձակալության գնի բարձրացումը կտրուկ էր և անսպասելի, այլ ոչ թե փուլային, այն դեպքում, երբ բիզնեսը իր բյուջեները նախապես էր պլանավորել: Բացի այդ, ռեստորատորները բարձրաձայնել են Երևանի քաղաքապետարանի հետ հաղորդակցման հարմար և հասկանալի ուղիների կարևորության մասին։